På fjorden i båt og kajakk

Ikkje berre sjå, men også røre? Kom tett på Sognefjorden i Leikanger! Strandlina er lang og innbyr til aktivt fjordliv. Her er godt kajakkmiljø, fine havner for småbåtar og utleige av båt og fjordkajakkar.

Største båthamna i Sognefjorden
Leikanger tilbyr ei stor og god hamn for småbåtar, til glede for både systrendingar og gjestebåtar som ferdast på Sognefjorden. Båthamna på Leikanger har til saman plass til 120 småbåtar, i tillegg til 5-6 gjesteplassar. Og nytt servicebygg er under planlegging.

Utleige av småbåtar
Sognefjord Hotell, Leikanger Fjordhotell og Hella Hytter leiger ut småbåtar med motor.

I fjordkajakk
Dersom du vil prøve deg på kajakk, har Fjordklubben fleire fjordkajakkar til leige.

Sogn Fjordsymjeklubb gjev gode tips til kajakkopplevingar langs bygda Leikanger og nabobygdene Feios, Vik og Balestrand.