Gå eller jogge gjennom løypa – med eller utan tidtaking. Løpet/marsjen går frå Leikanger Auto på Hanahaug til Borggarden ved Saften; ei strekning på om lag 3,5 km. Påmelding ved start; trimklassa går frå 17.30 og utover, og mosjonsklassa med tidtaking startar kl. 19.00.

Det vert rebus undervegs for dei minste, underhaldning og mat ved mål, og speaker Ole Simen Nesdal held alle oppdatert på utviklinga. Blomstringsløpet vert arrangert av bedriftsidrettslaga i Leikanger.

Seminaret er ope og rettar seg mot næringsdrivande, tilsette og andre med interesse for bedrifts- og næringsutvikling.

Velkomne til ein inspirerande kveld med fokus på lokal næringsutvikling!

Måndag 23.april kl 19-21. Sognefjord Hotell.

Me ønskjer alle buande og besøkande ei flott helg i Leikanger og oppmodar ikkje-deltakande til å heie fram lag- og superkjeringar langs heile traseen og i målområdet på Hanahaug!

På Hanahaug blir det liv og røre allereie frå kl. 11 – då startar Kjeringi Open Junior. Her blir det også rigga stort messetelt med salsboder, servering, musikk med bandet Kings of Lien, Stjerner i sikte og mykje morro!

Etter premieutdelinga rekk vi alle ein dusj, før vi møtast att – til bankett og festkveld på Sognefjord Hotell.

Syril idrettslag ønskjer velkomen til Kjeringi Open 20 år!

Stem oss fram! – Vi lovar mykje liv og leven for 100.000!

Foto: Henta frå NRK-artikkel. Ved Katrine Nybø, NRK

No har vi verkeleg kasta oss ut på djupt vatn… Vi har søkt om og blitt plukka ut i finalen til Årets Kultur-idè og kjempar om å vinna 100.000 kroner, til ein kreativ rocke- og danseverkstad og konsert!

Sparebanken Sogn og Fjordane og NRK Sogn og Fjordane står bak «Årets Kultur-idè»

Gjennom dei siste 3 åra har vi gjennomført fleire artige arrangement, som vi veit mange systrendingar har sett pris på: Jonsokfest med fylkets største bål, Sommarfest med Fame, Fruktbare Dagar med verdas lengste eplekake og gratis frukost for heile bygda. Med god hjelp frå Sparebanken Sogn og Fjordane har vi også finansiert eit profft lydanlegg for kultur- og næringslivet i bygda…Dette gjer vi for å bidra til lokal utvikling og for å skape gode opplevingar for folk som bur her, eller besøker oss. Her er mykje positiv kraft, kreativitet og talent som vi  treng å vise fram – både for oss sjølve og for andre!

Og no: No har vi verkeleg kasta oss ut på djupt vatn! Vi har søkt om og blitt plukka ut i finalen til Årets Kultur-idè og kjempar om å vinna 100.000 kroner! Og kva vil vi gjere? Vi vil vi blåse liv i gamle rocketradisjonar frå Knausen og Fjord Rock-tida og lage ein kreativ rocke- og danseverkstad! Her skal sognaungdom få øve og opptre saman med gamle og nye rockeheltar og danseartistar. Og går det slik vi drøymer om, så avsluttar vi årets sommarfest med ein fantastisk konsert, for musikkglade sogningar i alle aldrar, på Nokkaneset!

No blir det idè-utvikling på oss i Opplev Leikanger. Og frå alle dykk treng vi all støtte vi kan få! Har de tru på at vi kan lage og gjennomføre årets kultur-idè? Stem på oss!

Les meir hjå NRK Sogn og Fjordane

Juryen for Årets Kultur-idè har valgt ut 10 finalistar. Opplev Leikanger er 1 av dei 10!

Konsert kl. 13.00 på Cafè Herman. Handballkamp i idrettshallen kl. 16.

Velkomne i Leikanger-fjella!

Alle som har vore i sentrum siste veka, har nok fått med seg at det no er kome julebelysning i deler av sentrum. Med tilskot frå Leikanger kommune har Opplev Leikanger investert i julegatebelysning, frå Fjordkroa og til Røysum Sport. Neste år planlegg vi å ta ein ny sentrumsetappe. Då er vi på god veg til å få ei fin-fin julegate!

Julegrana på Borggarden er også på plass og laurdag tenner vi lysa…Julegateopninga og andre kultur- og næringsarrangement i desember finn de meir om i arrangementsfaldaren, sjå lenke under.

Støtt opp om lokale initiativ og lokal handel – Opplev Leikanger i desember!

Opplev-kalendar_des11

Laurdag og søndag er det ny dugnad på grusen, som neste år skal bli kunstgras. Prosjektleiar Nils Magne Slinde ønskjer seg mange arbeidande hender, slik at mest mogeleg blir gjort før vinteren kjem. Har du nokre arbeidstimar å gje vekk, så er du hjarteleg velkomen! Meld deg då til Nils Magne Slinde, på e-post:  nmslinde@frisurf.no

Måndag 7. nov. er det igjen filmkveld på Leikanger. Systrond filmklubb syner filmen  “Norske byggeklosser” , kl 19 på café Herman.

Filmen, med Rolv Wesenlund i spissen, er ein improvisert kultklassikar frå 1972 om husbygging og det norske byråkratiet. Rolv Wesenlund spaler åtte roller, den eine verre enn den andre, som rir seg ut på den stakkars husbyggaren, spelt av Bjørn Sand.

Er du ikkje medlem, so kan du bli det i kveld! Kr. 100.- for medlemsskap. Kr. 50,- for billetten. Filmklubben er ein frivillig medlemsorganisasjon som syner filmar på cafe Herman 2 gonger i månaden, i tillegg til ekstraarrangement.