Næringsliv

Kompetansebygda
Leikanger er administrasjonssenteret i Sogn og Fjordane og vertskommune for fylkeskommune, fylkesmann og andre statlege etatar. Her finst breie fagnettverk for juristar, statsvitarar, ingeniørar, økonomar, m.m.

Leikanger har også andre kunnskapsmiljø. Midt i sentrum finst økonomitenester, grafiske og redaksjonelle miljø, med bl.a. avishus, forlag og designbyrå.

Går du med byggeplanar, finn du allsidige handverkarar, småentreprenørar, arkitektar og ingeniørar i bygda. Her er også eit godt handels- og servicetilbod.

Hotella våre, camping og hytter tek godt imot alle gjester. Alle overnattingsstadene ligg langs fjorden og byr deg fantastisk fjordblikk.

Leikanger ligg i eit viktig frukt-, bær- og hagebruksområde. Bygda blir rekna som Noregs frodigaste hage, med det beste klimaet i landet.

Interessert i å etablere næring i Leikanger? Har du spørsmål om etableringa?
Ta kontakt med Leikanger Næringshage eller næringssjef Per Holen i Leikanger kommune