Ny dugnad i Pilaviki tysdag denne veka
Kort varsel, men vi går for ei dugnadsøkt denne veka også: tysdag 1. juli kl. 17. Kom og bli med!
Pilaviki etter dugnadsinnsatsen 11. juni 2025. Foto: Gunn Helen Henne
Tid og stad: Oppmøte i Pilaviki kl. 17 på tysdag 1. juli.
Vi held fram med å
rydde bos og hageavfall
fjerne/rydde kratt (NB - nokre tre og buskar skal få stå att, sjekk først!)
klippe gras
…og anna som vi ser trengs når vi er der
Det er flo, så vi får ikkje gjort så mykje i fjøra denne gongen.
Ta med deg passande utstyr, så går vi i gang! Og uansett skal vi ha det kjekt undervegs.
Dersom det er nokon som kunne tenke seg å hjelpe til med litt kaffikos til dugnadsgjengen, så blir vi takksame for det!
Sjåast i Pilaviki!
Status på prosjektet sidan sist
Vi har fått 25 000 kr i prosjektmidlar frå Sparebanken Norge til prosjektet vårt - hurra for det!
Dei nye rasteborda frå Sogndal vgs er komne på plass!
Alt av nytt om stort og smått som skjer blir samla på denne sida vår: Prosjekt Pilaviki